طريقة عمل صلصال صحي في البيت

الطين صلصال من الحاجات المهمة جدااا ان الطفل يستخدمها نقدر نعمل بيها الحروف والارقام للاطفال قبل سن المدرسة الطريقة دي هتساعد الامهات جدا في توصيل المعلومة لاطفالهم او عمل شكل لحيوان بيبدأ بحرف معين وكمان الطين صلصال تعتبر علاج للى عندهم صعوبة بمسك القلم , اذا دايما يلعب بالطين صلصال ويعمل اشكال لأنة مسكة العجينة هتخلي عضلات ايدة تبقي قوية
غير ان الطريقة دي امنة جداااااا وهتخلي الاطفال يقضوا وقت لذيذ قووووووووووووي ومن غير ما نخاف عليهم
المقادير
1 كوب دقيق
1 كوب ماء
نص كوب ملح
1 معلقة زيت طعام
الوان طعام
2معلقة كريمة الترتار لكن هنستبدلها ب بالخل او الليمون لأن الكريمة دي حمضية والبيدل ليها الليمون والخل

الطريقة

هنحط كل المكونات الا عندنا ما عدا الوان الطعام في حلة ونحطها علي نار هادية
لمدة 10 دقائق ونفضل نقلب لغاية لما المكونات تتطبخ وتبقي متماسكة وبعد كدة نقسمها لكذا جزء ونضع الوان طعام
وهيبقي دة شكلها ونقدر نعمل اشكال رائعة وممكن نسيب اولادنا يلعبوا بيها بدون خوف منها وطبعا الالوان مش سامة

طريقة عمل طين صلصال بالمنزل
كل مكوناتها طبيعية وماتخافوش علي اولادكم لما يحطوها في فمهم
وتحفظ فى كيس بالثلاجة لتعيش اكبر وقت ممكن ولا تجف او نحطها في علب التلاجة ونحفظها في التلاجة